රන්ජන් ගැන හොයන්න අගමැතිගෙන් ත්‍රිපුද්ගල කමිටුවක්

 

රාජ්‍ය අමාත්‍ය රන්ජන් රාමනායක මහතා මහ සංඝරත්නය විෂයයෙහි දක්වා ඇති අදහස් හා ඊට සම්බන්ධව ඔහුගේ සමාජ මාධ්‍ය ජාල ඔස්සේ පළ කර ඇති වීඩියෝ පිළිබඳව විමර්ෂනය කිරීම සඳහා අග‍්‍රාමාත්‍ය රනිල් වික‍්‍රමසිංහ මහතා විසින් විදේශ අමාත්‍ය ජනාධිපති නීතිඥ තිලක් මාරපන මහතාගේ සභාපතීත්වයෙන් යුතු ත‍්‍රිපුද්ගල කමිටුවක් පත් කර ඇත.

මෙම කමිටුවේ සෙසු සාමාජිකයන් වන්නේ රාජ්‍ය පරිපාලන ආපදා කළමනාකරණ හා ග‍්‍රාමීය ආර්ථික කටයුතු අමාත්‍ය රංජිත් මද්දුමබණ්ඩාර සහ සංවර්ධන උපායමාර්ග සහ ජාත්‍යන්තර වෙළඳ අමාත්‍ය මලික් සමරවික‍්‍රම යන මහත්වරුන්ය.

රන්ජන් රාමනායක මහතා සිදුකළ ප‍්‍රකාශ හා එළිදක්වා ඇති වීඩියෝ පිළිබඳව විධිමත් විමර්ශනයක් සිදුකොට ඒ සම්බන්ධයෙන් ගත යුතු ඉදිරි ක‍්‍රියාමාර්ග පිළිබඳව අගමැතිවරයා වෙත යෝජනා සහ නිර්දේශ ඉදිරිපත් කිරීමේ වගකීම මෙම කමිටුව වෙත පැවරෙනු ඇත.

උපුටාගැනීම – ලංකාදීප

Leave A Reply

Your email address will not be published.